The role of the unit sister--emphasis on quality of care and accountability.

Drie belangrike konsepte word bespreek, naamlik die rol van die eenheidsuster, die gehalte van sorg en verantwoordbaarheid. ’n Model word voorsien waarin die rolle van die eenheidsuster uitgebeeld word — die fokus van haar werk (die pasiënt, span, agentskap, genteenskap en die professie) word aangetoon sowel as die inhoudsgebiede (kliniese sorg, bestuur, onderwys en beleidsbepaling). Die doelwit van gehaltesorg is eie aan al haar rolle — wat fokus sowel as inhoud betref. As professionele in wie groot vertroue gestel word, moet die eenheidsuster vir haar eie werkverrigting en van dié oor wie sy toesig hou, verantwoordbaar wees. Om dit te kan doen, moet sy die nodige vermoë, verantwoordelikheid en gesag hê.